● അർഹരായവരെ പട്ടികയിൽ ഉൾപ്പെടുത്താനുള്ള നടപടികൾ തുടരണമെന്ന് ചീഫ് ജസ്റ്റിസ് സൂര്യകാന്ത് വ്യക്തമാക്കി
ന്യൂഡൽഹി: (KVARTHA) കേരളത്തിലെ എസ്ഐആർ (സ്പെഷ്യൽ ഇൻ്റൻസീവ് റിവിഷൻ) ഹർജികൾ ഉടൻ തീർപ്പാക്കില്ലെന്ന് സുപ്രീംകോടതി. വിഷയത്തിലെ പ്രശ്നങ്ങൾ പൂർണമായി പരിഹരിക്കുന്നതുവരെ ഹർജികൾ തീർപ്പാക്കാതെ നിലനിർത്തുമെന്ന് ചീഫ് ജസ്റ്റിസ് സൂര്യകാന്ത് അധ്യക്ഷനായ സുപ്രീംകോടതി ബെഞ്ച് വ്യക്തമാക്കി.
കമീഷനെ സമീപിക്കാൻ അവസരം
വോട്ടർ പട്ടികയിൽ നിന്ന് പേര് നീക്കം ചെയ്യപ്പെട്ടവർക്ക് ഇക്കാര്യത്തിൽ പരാതിയുണ്ടെങ്കിൽ തിരഞ്ഞെടുപ്പ് കമീഷനെ നേരിട്ട് സമീപിക്കാമെന്ന് കോടതി അറിയിച്ചു. സംസ്ഥാനത്തെ വോട്ടർപട്ടിക പ്രസിദ്ധീകരിച്ച് തിരഞ്ഞെടുപ്പ് നടപടികൾ പൂർത്തിയാക്കിയെന്ന് കമീഷൻ കോടതിയിൽ വ്യക്തമാക്കിയിരുന്നു. എന്നാൽ, പട്ടികയിൽ നിന്ന് പുറത്താക്കപ്പെട്ട 24 ലക്ഷം പേരിൽ പലർക്കും തുടർ അപേക്ഷകൾ സമർപ്പിക്കാൻ കൂടുതൽ സമയം അനുവദിക്കണമെന്ന് കേസിൽ സിപിഎമ്മിനായി ഹാജരായ അഭിഭാഷകൻ ജി പ്രകാശ് വാദിച്ചു.
ഇരുഭാഗത്തിൻ്റെയും വാദങ്ങൾ കേട്ടതിന് ശേഷം, അർഹരായവരെ പട്ടികയിൽ വീണ്ടും ഉൾപ്പെടുത്താനുള്ള നടപടികൾ തുടരണമെന്നും കോടതി നിർദേശിച്ചു. എസ്ഐആർ എന്നത് ഒരു തുടർപ്രക്രിയയാണെന്ന് തിരഞ്ഞെടുപ്പ് കമീഷൻ കോടതിയിൽ വ്യക്തമാക്കിയിട്ടുണ്ട്. വോട്ടർ പട്ടികയിലെ ഇരട്ടിപ്പ് ഒഴിവാക്കുന്നതിൻ്റെയും മരണപ്പെട്ടവരെ നീക്കം ചെയ്യുന്നതിൻ്റെയും ഭാഗമായി അടുത്തിടെ നടത്തിയ ശുദ്ധീകരണ പ്രക്രിയയിലാണ് യഥാർഥ വോട്ടർമാരും വ്യാപകമായി പുറത്തായതെന്ന പരാതി ഉയർന്നത്.
കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക.
Article Summary: SC says Kerala SIR petitions won't be disposed of until issues are resolved.
Keywords: Supreme Court Kerala SIR petitions, Kerala voters list deletion issue, CJI Surya Kant SIR hearing, Election Commission voter list
#Kvartha #SupremeCourt #KeralaVotersList #ElectionCommission #SIRPetitions #CPMKerala #MalayalamNews #SobhaNews